Camwch yn ôl mewn Amser

Trosedd a Chosb: taith drwy amser: swyn Castell Rhuthun, Nantclwyd y Dre, a Charchar Rhuthun

Yng nghanol Rhuthun, saif tri tirnod nodedig fel gwarchodwyr amser: Castell Rhuthun, Nantclwyd y Dre, a Charchar Rhuthun. Mae pob un yn adrodd stori, gan wau tapestri o ddirgelwch, harddwch a gwytnwch, sy’n denu ymwelwyr i ymchwilio i’w cyfrinachau. 

Castell Rhuthun: Y Gwarchodwr Mawreddog

Saif waliau canoloesol urddasol y Castell yn fawreddog, yn dyst i rym  a mawredd y cyfnod canoloesol. Credir ei fod yn safle gwarchae. Dychmygwch atsain cleddyfau ac adlais carnau’n carlamu wrth i farchogion grwydro’r tiroedd hyn ar un adeg, gan amddiffyn eu teyrnas. Gweinyddwyd cyfiawnder cryno yma unwaith a chanfu’r truenus eu hunain yn cael eu taflu i ddwnsiynau’r Castell. . 

Crwydrwch drwy erddi’r Castell, a bron na allwch glywed chwerthiniad merched bonheddig a straeon am farchogion dewr, wrth iddynt rodio ar hyd y murflychau, gan syllu allan dros y mynyddoedd draw. Nid gweddillion o’r gorffenol yn unig yw Castell Rhuthun; mae’n stori fyw, sy’n eich gwahodd i fod yn rhan o’i hanes cyfoethog. 

Nantclwyd y Dre: cipolwg ar fywyd teuluol 

Pan oedd Rhuthun yn dref sirol y Sir Ddinbych hanesyddol, cyn 1973 byddai barnwyr y brawdlysoedd yn aros yma, ac yn gorymdeithio drwy’r dref i’r lle sydd bellach yn Llyfrgell, yn Stryd y Llys. Mae Nantclwyd y Dre yn enghraifft hyfryd o dŷ ffrâm goed o’r 16eg ganrif sydd mewn cyflwr da. Wrth ichi gamu drwy ei ddrysau, fe’ch croesewir i fyd o gynhesrwydd a hud, lle mae adlais o fywyd teuluol yn atsain drwy’r canrifoedd. . 

Mae pob cornel o Nantclwyd y Dre yn datgelu darn gwahanol o hanes, o’r trawstiau pren sydd wedi’u naddu’n gywrain i’r gerddi hynod a heddychlon, a roddodd gynhaliaeth i’w phreswylwyr ar un adeg. Yma, gallwch ddychmygu’r straeon o gariad, colled a bywyd bob dydd a ddatblygodd o fewn y muriau hyn, sy’n eich cysylltu â’r cenedlaethau a fu o’ch blaen. .

Cofiwch wirio’r amseroedd agor yma! Nantclwyd y Dre | Cyngor Sir Ddinbych

Carchar Rhuthun: ceidwad cyfrinachau 

Taith fer i ffwrdd, saif Carchar Rhuthun fel atgof o hanes tywyllach Rhuthun. Mae’r cyn garchar hwn, â’i flaen carreg mawreddog, yn cynnwys hanesion am y rheiny a dorrodd y gyfraith. Wrth ichi grwydro’r coridorau mewn golau gwan, bron na allwch glywed sibrydion o’r gorffenol: gobeithion ac ofnau’r carcharorion a alwodd y lle hwn yn gartref ar un adeg. 

Dychmygwch atsain drysau’r celloedd ac adlais sŵn traed ar y lloriau cerrig oerion.Mae pob cell yn adrodd stori, o’r lleidr mân bethau i’r carcharor gwleidyddol, gan ddatgelu cymhlethdodau cyfiawnder a natur ddynol. Mae Carchar Rhuthun yn eich gwahodd i fyfyrio ar dreigl amser a’r gwersi a ddysgwyd gan y rhai a droediodd ei neuaddau. 

Wrth ichi grwydro drwy’r tirnodau chwedlonol hyn, cewch eich trochi mewn byd lle mae’r presennol a’r gorffennol yn plethu, gan eich gadael gyda synnwyr o ryfeddod a gwerthfawrogiad dyfnach o dreftadaeth gyfoethog Rhuthun.  

Felly dewch, gadewch i’ch dychymyg esgyn wrth ichi gamu i dudalennau hanes – mae Rhuthun yn aros amdanoch, yn barod i rannu ei hanesion â chi!

Cofiwch wirio’r amseroedd agor yma! Carchar Rhuthun | Cyngor Sir Ddinbych